Шымкент қаласы Қаратау ауданынан праймеризге түсіп жатқан Серкебаев Есенбек Салдарбекұлының сайлауалды бағдарламасы

Сайлауалды бағдарламаның басты мақсаты: Төрт түйінді мәселе

 Адамның денсаулығы мен бақуатты өмір сүруі

• Індетпен күресті күшейту, ауруханаларды медициналық оттегі және дәрі-дәрмекпен қамтамасыз ету. Медицинаға бөлінетін қаражаттардың мақсатты жұмсалуын қадағалау және талан-таражға түсуіне жол бермеу;
• Дәрігерлердің мәртебесі мен әлеуетін көтеру;
• Ана денсаулығы – болашақтың жарқын кепілі;

2. Білім – өркениет жетегі

• Аз қамтылған және көпбалалы отбасыларды интернетпен және компьютермен тегін қамтамасыз ету арқылы онлайн оқытуға жағдай жасау;
• Ұстаздарды қоғамдық жұмыс пен қағаз бастылықтан босату;
• Орта арнаулы және жоғары оқу орнын бітірушілерді жұмыс орнымен қамтамасыз ету;
• Студенттерге жол жүру билетін (проездной) қалпына келтіру;
• Бастауыш сынып оқушыларын ыстық тамақпен тегін қамтамасыз ету.

3. Шымкент – тұрмысқа ыңғайлы қала

• Шалғайдағы тұрғын үй алаптары мен мөлтек аудандарды сапалы жолмен, қоғамдық көлікпен және интернетпен қамтамасыз ету;
• Жол тораптарын кеңейту мен айналма жолдар салу арқылы кептеліс санын азайту;
• Экология талаптарын сақтау арқылы таза және мәдениетті қалаға айналдыру;
• Мүмкіндігі шектеулі азаматтардың тұрмысына ыңғайлы жағдай жасау;
• Азық-түлік бағасын қадағалау;
• Шағын және орта бизнесті дамыту, жоспарлы тексерулерді алып тастау және әкімшілік кедергілерді азайту. Отандық өнімдерге қолдау көрсету.

4. Мәдениетім мерейім

• Қазақ тілінің мәртебесі көтеру және қолдану аясын кеңейту;
• Жас таланттарға, қабілеті ерекше балаларға және спортшыларға қолдау көрсету;
• Мәдени нысандар мен саябақтарды жаңарту;
• Халықтың діни сауаттылығы мен рухани әлеуетін көтеру.

Өмірбаяны және отбасы туралы мәлімет

 Серкебаев Есенбек Салдарбекович — 07.07.1973 ж. Қазығұрт ауданында педагогтардың отбасында туған.

1990 жылы Қазығұрт ауданындағы Қ.Сәтбаев атындағы орта мектебін үздік бітірген.

1996 жылы ҚазХТИ-дің «Автоматтандыру инженері» мамандығын бітірген. 2001 жылы М.Әуезов атындағы ОҚМУ-дың күндізгі Аспирантурасын бітірген.

1996 — 2005 ж.ж. ҚазХТИ-де, қазіргі М.Ауезов атындағы ОҚМУ-да ғылыми қызметкер, аға оқытушы.

2005 — 2007 ж.ж. «Қазақтелеком» АҚ-ның Оңтүстік Қазақстан облыстық Телекомуникациялар Дирекциясының «Ақпататты технологиялар орталығында» жетекші инженері.

2007 — 2013 ж.ж. «TS Engineering Development» ЖШС-ның Бас директоры. Шымкент-Плаза сауда-сауықтыру орталығын басқарушы компания.

2013 —  2014 ж.ж. «Компания ЮгПласт» ЖШС-ның директорының орынбасары. Қазақстандағы үздік бестікке енген су, кәріз және газ полиэтилен құбырларын шығаратын зауыт. 2013 жылы зауыттың ашылуына сол кездегі премьер-министр Б.А.Сағынтаев, экология министрі Н.А.Қаппаров және ОҚО әкімі А.И.Мырзақметов қатысқан.

2014 — 2019 ж.ж. М.Әуезов атындағы ОҚМУ-да аға оқытушы, «Амина» Клиникасының қаржы директоры.

2019 — 2020 ж.ж. Шымкент қалалық №2 аурухананың Бас дәрігерінің әкімшілік-шаруашылық жөніндегі орынбасары, «Амина» Клиникасының қаржы директоры.

Серкебаев Есенбек Салдарбекович бірнеше оқулық пен 30-ға жуық ғылыми еңбектер пен мақалалардың авторы. 2018 жылы қоғамдық бірлестіктің «Халық құрметі» медалімен марапатталған.

Отбасылық жағдайы: отбасылы, 4 баланың әкесі.

 Үміткердің жеке қасиеттері: әр жылдары университетте дәріс бердім, Аспирантурада оқыдым, Өндіріс пен Құрылыс саласында басшылық қызметтерде, медицина саласында да қызмет атқарып үлкен іс-тәжірибе жинадым.

Адами құндылықтарды жоғары қоямын. Уәдеге берікпін. Жоспарлаған ісімді соңына дейін жеткізуге талпынамын.

Жұбайым: Сафарбаева Ляззат Кенжебевна – білікті дәрігер, «Амина» Клиникасының дәрігер гинекологы және УЗИ дәрігері.

Отбасымдағы балаларымның барлығы Халықаралық, Республикалық және қалалық пәндік олимпиадалардың жеңімпаздары. Үлкен ұлым Қайрат Назарбаев Зияткерлік мектебін бітіріп, бүгінгі таңда Қазақ-Британ техникалық университетінің 3 курс студенті. Қызым Амина Саз колледжінің 3 курсының үздік студенті. Бірнеше рет қалалық, облыстық және Республикалық Ән байқауларының жеңімпазы. Ортаншы ұлым Қайсаржан мен кенже ұлым Қарасай Ө.А.Жолдасбеков атындағы №9 лицей-мектебінің 3-ші және 5-ші сынып оқушылары. Қайсаржан бірнеше рет қалалық және Республикалық математикалық олимпиадалардың жеңімпазы.