Еріктілер кеңесі» консультативтік-кеңесші органының атқарған жұмыс нәтижелерін талқылау

«Еріктілер кеңесі» консультативтік-кеңесші органының атқарған жұмыс нәтижелерін талқылау
Еріктілер кеңесінің қызметі мемлекеттік қызметшілер арасында еріктілер қозғалысын үйлестіруді, сондай-ақ мемлекеттік қызметшілердің ерікті бастамаларын және осы саладағы заңнама талаптарының үйлесімдігін қамтамасыз етуге бағытталған.
Осы тұста, ағымдағы жылда Еріктілер кеңесінің ұйымдастыруымен бірқатар қоғамдық әрі тәртибелік маңызы зор іс-шаралар өтті.
Мәселен, мемлекеттік қызметшілер қоршаған ортаны сақтауға, экологиялық проблемаларды шешуге бағытталған ерікті қызмет (саябақтарда, табиғи аймақтарда қоқыс жинау, ағаштар, бұталар мен гүлдер отырғызу) әлеуметтік осал топтағы отбасыларға, қарттар үйлеріне, балалар үйінің тәрбиеленушілеріне, жалғызбасты қарт адамдарға барып, халықты әлеуметтік қорғау жүйесіне қол ұшын созу, тегін заң көмегін беру және т.б.шаралар атқарылуда.
Атап айтқанда, жас жеткіншектерді кинотеатрларға, ойын-сауық орталықтары мен саябақтарға апарып, оларға құнды сыйлықтары бар байқаулар ұйымдастырылды.
Сонымен қатар, «Өзгеге өмір сыйла» акциясы аясында «Шымкент қаласының қан орталығына» донор ретінде қатысып, қала жұртшылығын осындай бастамашылдыққа шақырды.
Бұл бағыттағы жұмыстар алдағы уақытта да өз жалғасын табатын болады.