EgovKzBot2.0» платформасына жүгінген азаматтың құқығы қалпына келтірілуде

«EgovKzBot2.0» платформасына жүгінген азаматтың құқығы қалпына келтірілуде
Агенттік Төрағасының тапсырмасына сәйкес, халықтың мемлекеттік қызмет көрсету бойынша шағымдары мен ұсыныстарына жедел назар аудару мақсатында «Электронды үкімет» веб-порталы мәселелері бойынша Telegramm мобильді қосымшасыдағы «EgovKzBot2.0» бот платформасы арқылы «Уәкілетті органға өтініш» білдіру батырмасы іске қосылған.
Қазіргі таңда, Департаментке қызмет алушылардың мемлекеттік қызметтердің көрсетілуіне шағым, олардың сапасын арттыру, сондай-ақ мемлекеттік аппаратты бюрократиядан арылту бағытында ұсыныстар келіп түсуде.
Мәселен, қала тұрғынының «Шетелдіктер мен азаматтығы жоқ адамдарға Қазақстан Республикасында уақытша тұруға рұқсат беру» мемлекеттік көрсетілетін қызмет түріне Электронды үкімет порталы арқылы жүгініп, жауабын бірнеше күн бойы ала алмай жүргенін көрсетіп, аталған платформа арқылы көмекке жүгінді.
Департаменттің араласуымен аталған қызмет бойынша, Полиция департаментінің Көші-қон басқармасымен жүгінушінің өтініші «ХҚКОБАЖ» (ИИСЦОН) арқылы қабылданып, құжаттарды ресімдеуге қатысты тізім (перечень документов) берілді.
Айта кетейік, https://t.me/Kenes1414Bot сілтемесі арқылы «EgovKzBot2.0» бот-платформасында мемлекеттік көрсетілетін қызметтер бойынша шағым беруге, бюрократияны азайту және бизнес-процестерді оңтайландыру жөнінде ұсыныс жолдауға болады.