МЕМЛЕКЕТТІК ҚЫЗМЕТ КӨРСЕТУДІҢ САПАСЫН АРТТЫРУ – ДЕПАРТАМЕНТТІҢ НАЗАРЫНДА

ҚР Мемлекеттік қызмет істері агенттігінің Шымкент қаласы бойынша Департаментінде (бұдан әрі — Департамент) мемлекеттік қызметтер көрсету мәселелері жөніндегі Ведомствоаралық жұмыс тобының кезекті отырысы өтті.
Отырысқа Ведомоствоаралық жұмыс тобының мүшелері, Шымкент қаласының сәулет қала құрылысы және жер қатынастары, білім, ауыл шаруашылығы және ветеринария, денсаулық сақтау, жұмыспен қамту және әлеуметтік қорғау, мәдениет, тілдерді дамыту және архивтер, тұрғын үй, цифрландыру басқармаларының қызметшілері, ХҚКО, БАҚ өкілдері және Департамент қызметкерлері қатыстырылды.         
Жиын барысында Шымкент қаласының тұрғын үй басқармасы қызметкерлерімен қызмет көрсету тәртібін бұзу мәселесі және Қазақстан Республикасының Мемлекеттік қызмет істері агенттігімен Мемлекеттік қызметтер көрсету сапасына 2021 жылы жүргізген қоғамдық мониторинг қорытындысына сәйкес, мемлекеттік қызметтерді көрсету сапасын арттыру жөнінде қабылданған шараларға қатысты мәселелер көтерілді.
«Мемлекеттік қызмет көрсетудің сапасын арттыру – департаменттің басты назарында екендігін Ведомствоаралық жұмыс тобының төрағасы А.Комекбаев басты назарға алды.
Жоғарыда аталған мемлекеттік көрсетілетін қызметтердің кемшіліктері Департаменттің өкілі А.Берікұлының баяндамасында айтылды.               
Отырыс нәтижесі бойынша жоғарыда аталған қызметті сапалы көрсетуге бағытталған тиісті ұсыныстар берілді.
Қабылданған шаралар нәтижесінде мемлекеттік қызмет көрсетудің сапасын арттырумен қатар, тұрғындардың мемлекеттік органдардың қызметіне деген сенімінің артуына ықпал етеді.
ҚР мемлекеттік қызмет істері агенттігінің Шымкент қаласы бойынша департаменті