Мемлекеттік қызмет саласындағы бос
жұмыс орындары жәрмеңкесі өтті
Ағымдағы жылдың 24 мамырда ҚР Мемлекеттік қызмет істері агенттігі Шымкент қаласы бойынша департаменті, Шымкент қаласының әкімдігі ұйымдастыруымен бос жұмыс орындары жәрмеңкесі өтті.
Іс-шараның мақсаты — мемлекеттік қызметке орналасудың жалпы тәртібін, іріктеудің уақытша қағидаларын түсіндіру және өңірдегі бос орындармен таныстыра отырып, жастарды мемлекеттік қызметке тарту.
Бос орындар жәрмеңкесінде ЖОО және Жас мемлекеттік қызметшілер мектебінің түлектері, квазимемлекеттік сектор мен жастар орталығының қызметкерлері және тұрғындар кеңестер алды.
Келушілерге 50-ден астам бос жұмыс орны ұсынылды, жұмыс берушілер ретінде жергілікті атқарушы органдар мен аумақтық департаменттер өкілдері қатысты.
