«25 қазан – Республика күні» ұлттық мерекесіне орай мемлекеттік қызметке жаңа қадам басушылармен кездесу

«25 қазан – Республика күні» мемлекеттік мерекесіне орай, Қазақстан Республикасы Мемлекекеттік қызмет істері агентігінің Шымкент қаласы бойынша департаменті мен Қазақстан Республикасы Президентінің жанындағы Мемлекеттік басқару академиясының Шымкент қаласы бойынша филиалының ұйымдастыруымен, қаламыздың саяси тұлғаларының бірі, Шымкент қаласы әкімінің бірінші орынбасары Ш.Ж.Мұқан жас мемлекеттік қызметшілермен кездесу өткізді.
Іс-шараның басты мақсаты — мемлекеттік қызметтің оң имиджін қалыптастыру, «Б» корпусының мемлекеттiк әкiмшiлiк қызметiне алғаш кiрген мемлекеттiк қызметшілерге мотивациялық серпін беру болып табылады.                                                                         
Кездесу барысында Ш.Ж. Мұқан мемлекеттік аппаратының кәсібилігін арттыру, мемлекеттік қызметке дарынды жастарды тарту, мемлекеттік қызметшілердің білімі мен біліктілігін және дағдыларын үздіксіз жоғарылату, кәсіби және жеке құзыреттіліктерін арттыру маңыздылығы туралы айтып кетті.
Жас толықтыруларға өзінің құттықтау сөзі мен тілегін А.А.Көмекбаев та айтып өтті. Мұндай шараларды өскелең ұрпақ арасында өткізудің маңызы зор екеніне тоқталды.         Өйткені, бұл әрбір мемлекеттік      қызметшінің халық алдындағы патриоттық сезімін оятып, жауапкершілігін арттыруға септігін тигізеді.                                                                                                                                                                                     Бұл күннің ауқымдылығын ескерген А.А.Көмекбаев әрбір мемлекеттік қызметшінің қызметтік этиканы сақтауы, өзінің кәсіби қызметіне барлық күш-жігерін, білімі мен тәжірибесін барынша жұмсау, өз Отаны – Қазақстан Республикасына бейтарап және адал қызмет ету маңыздылығын атап өтті.                                                     
Жастар өздерін толғандырған сұрақтарына жауаптарын ала отырып, қазіргі таңдағы өзекті мәселелерді айтып өтті. Кездесу бейресми, еркін форматта өтті.