ШЫМКЕНТТЕ ЕРКІН ЖӘНЕ ӘЙЕЛДЕР КҮРЕСІНЕН ҚАЗАҚСТАН РЕСПУБЛИКАСЫНЫҢ ЧЕМПИОНАТЫ БАСТАЛДЫ!
Шымкент қаласында 2021 жылдың 09-12 қараша аралығында еркін және әйелдер күресінен 2006-2007 жылы туған кіші жасөспірімдер арасында Қазақстан Республикасының чемпионаты өтуде.
Чемпионатқа еліміздің барлық өңірінен, жалпы 20 команда, 320 спортшы қатысады. Осылайша «Жеңіл атлетика спорт кешенінде» өтетін дүбірлі додада ел үздіктері анықталмақ.
Жарыстың салтанатты ашылу рәсімінде Шымкент қаласының дене шынықтыру және спорт басқарма басшысының орынбасары ЕРМЕК АМАНЖОЛҰЛЫ спортшыларды құттықтап, сәттілік тіледі.
Балуандарымызға сәттілік !
