Департамент басшысының көшпелі қабылдауы өтті

Бүгін Департамент басшысы Ш.Сұлтанханның Шымкент қаласының Еңбекші ауданы әкімдігінде ұжыммен кездесуі және жеке қабылдауы өтті.
Кездесуде Департамент басшысы Ш.Сұлтанхан, Әдеп жөніндегі кеңес мүшесі Н.Бұхарбай, Әдеп жөніндегі уәкіл М.Акишев және аудан әкімдігінің қызметшілері қатысты.                                                                                         
Жиын барысында мемлекеттік қызметшілердің Әдеп кодексін, Қазақстан Республикасының мемлекеттік қызметі туралы және Сыбайлас жемқорлыққа қарсы іс қимыл заңнамасы талаптарын қатаң сақталуы, мемлекеттік органның тәртіптік комиссия қызметі, мемлекеттік қызметшілерге заңнамамен берілген әлеуметтік кепілдіктерінің сақталуы және әлеуметтік қорғау, мемлекеттік қызметте болудың шектеулерін сақтау мәселелеріне арналды.                                                                                             
Сонымен қатар, мемлекеттік қызметшілер қоғам тарапынан сынға ұшырауына жол бермеуге, азаматтармен кері байланысты тығыз орнатуды, негізсіз үстеме жұмыстарын болдырмау қажеттігін жеткізді.                                                                                               
Әдеп жөніндегі кеңес мүшесі Н.Бұхарбай алқалы органмен қаралған тәртіптік істер бойынша тәжірибедегі бұзушылықтар туралы баяндады және мемлекеттік қызметшілерді адал қызмет атқаруға шақырды.
Жиын барысында мемлекеттік қызметшілер тарапынан туындаған басқада сұрақтар қойылып, оларға тиісті жауаптар берілді.
Кездесу соңында Департамент басшысы Ш.Сұлтанхан және Әдеп жөніндегі кеңес мүшесі Н.Бұхарбай әкімдік қызметкерлерін жеке мәселелері бойынша қабылдау жүргізді.