М.Тынышпаев атындағы ҚазККА Шымкент көлік колледжінде «Білім беруді дамыту бағдарламасы аясында техникалық және кәсіптік білім берудің болашағы» тақырыбында өткен облыстық семинар
2020 жылдың 22 қаңтарында М.Тынышпаев атындағы ҚазККА Шымкент көлік колледжі базасында «Техникалық кәсіптік білімді дамыту және біліктілікті берудің республикалық ғылыми-әдістемелік орталығы», «Аккердиттеудің тәуелсіз Қазақстандық орталығы» және колледж әкімшілігінің ұйымдастыруымен «Білім беруді дамыту бағдарламасы аясында техникалық және кәсіптік білім берудің болашағы»тақырыбында облыстық семинар өтті. Семинарға Түркістан облысы адами әлеуетті дамыту басқармасына қарасты 45 колледждің директорлары және директор орынбасарлары қатысты.
Іс-шараның мақсаты, қазіргі кездегі колледж проблемаларын көтеру және оны шешу жолдарын қарастыру болып табылады. Семинарды М.Тынышпаев атындағы ҚазККА Шымкент көлік колледжі директоры А.А.Аккузов ашты. Семинардың модераторы ретінде «Техникалық кәсіптік білімді дамытужәне біліктілікті берудің республикалық ғылыми-әдістемелік орталығы» АҚ-ның бас директоры, т.ғ. к. — Б.О.Халмуратов «Техникалық және кәсіптік білім берудің болашағы» тақырыбында баяндама жасады.
Облыстық әдістемелік орталықтың техникалық және кәсіптік білім беру бөлімінің басшысы Қалиева Нұрсұлу Абдешовна сөзге шығып, бұл семинардың колледж басшыларына пайдалы жақтарын айтып өтті.
АТҚО Әдістеме және сапаны қамтамасыз ету департаментінің директоры – Адилова Бахыт Мажитовна сөзге шығып, «Аккредитация үрдісінің білім беру саласында атқаратын рөлі» тақырыбында презентация жасады.
Аталмыш семинарда Халықаралық қатынастар және адами капиталды дамыту депортаменті басшысы Ботагөз Сериковна, Астана қаласынан РҒӘО мамандары, республикалық «Техникалық және кәсіптік білім» ақпараттық-әдістемелік журналының бас редакторы Маметова Сания Сулейменовна және Ақтау көлік колледжі әкімшілігімен онлайн байланыс орнатылып, семинарға қатысушылар тарапынан қойылған әртүрлі сұрақтарға жауаптар алынды.
М.Тынышбаев атындағы ҚазККА Шымкент көлік колледжі оқу ісі жөніндегі директор орынбасары Нәлжігітова Рысалды Онгаровна «Техникалық және кәсіптік білім беруде педагог қызметкерлердің біліктілігін көтеру жолдары» тақырыбында баяндама жасап, семинарды ұйымдастырушыларға және қатысушыларға алғысын білдірді.
Семинар соңында колледж директорлары семинардан қәжетті дүниелерді алғанын және семинар жоғары деңгейде өткенін айтып, ұйымдастырушылар Техникалық кәсіптік білімді дамытужәне біліктілікті берудің республикалықғылыми-әдістемелік орталығы директоры Бегалы Оразалиевич Халмуратовқа, АТҚО Әдістеме және сапаны қамтамасыз ету департаментінің директоры – Адилова Бахыт Мажитовнаға, ОҚО филиал директоры Жанболат Серікбайға және М.Тынышбаев атындағы ҚазККА Шымкент көлік колледжі әкімшілігіне алғыстарын білдірді.
