Қайырымдылық жасасаң,
Қайырын өзің көресің –деген бабалар өсиеті бекер айтылмаған, сірә!
Президентіміз, Қасым-Жомарт Тоқаев: «Қазіргідей күрделі кезде әрбір азамат біздің назарымызда болады. Мемлекет ешкімді қиындықта қалдырмайды» деген болатын. Осы мақсатта, 2021 жылдың 18 наурыз күні «Игі істер күніне» орай «Қуаныш сыйлайық» тақырыбында қамқоршылық-қайырымдылық акциясына колледж әкімшілігі мен ұстаздары, сондай-ақ демеушілер қол ұшын берді.
Аталған іс-шараны ұйымдастырып, өткізуге колледж директорының оқу-өндірістік ісі жөніндегі орынбасары Н.Ерғазы, тәрбие ісі жөніндегі орынбасары Д.Назиров, әлеуметтік педагог Х.Курганбаева атсалысты. Қамқоршылық акциясында колледжде оқитын аз қамтамасыз етілген, көп балалы отбасынан шыққан студенттерге, жетім, қамқоршысынан айрылған жасөспірім балаларға азық – түлікпен көмек көрсетілді. Акцияны ұйымдастырып өткізуге демеуші болған «Фирдаус» атты қайырымдылық ұйымына, жеке кәсіпкерлерге, колледж ұжымына алғыс білдіреміз.
