Шымкент қалалық білім басқармасына қарасты, Әл-Фараби ауданы №129 жалпы орта білім беретін мектебінде 2019-2020 оқу жылының тәрбие жоспарына сәйкес, оқушылардың зиянды әдеттерден бойын аулақ ұстауға, салауатты өмір салтын сақтауға, темекі шегудің денсаулыққа қауіпті екендігі, ЖИТС туралы мәлімет беру мақсатында, Шымкент қалалық салауатты өмір салтын қалыптастыру орталығының дәрігері А.Джорабаев және ЖИТС-тің алдын алу және оған қарсы күрес жөніндегі орталық маманы Н.Жургенбаева 8-9 сынып оқушыларымен әңгіме жүргізді. Мамандардың түсіндірме жұмыстарынан соң оқушылар өздерін мазалап жүрген сұрақтарына жауаптарын алды. «Темекіге жол жоқ» тақырыбында ұйымдастырылған плакаттар аллеясының қорытындысы бойынша Шымкент қалалық салауатты өмір салтын қалыптастыру орталығы тарапынан жеңімпаздарға сыйлықтар тарту етілді.
