Шымкент қаласы, Қаратау ауданы Нұр Отан партиясы «Қайнарбұлақ» БПҰ төрағасы Б.Е. Михеевтың бастамасымен Қайнарбұлақ саяжайы оқушыларына тосын сый жасады
Бүгін Қазақстан Республикасының Тәуелдік алған күні.
Қазақ халқы елі үшін адал қызмет еткен талапты адамды «уызына жарыған» дейді. Қазақ елінің ғасырлар бойы армандаған тәуелсіздігін уызына жарыған ұрпақ алып, сақтап келе жатқанына жуырда 30 жыл толады. 16 желтоқсан Тәуелсіздік күніне орай, Б. Михеев бастаған қайырымды топ Қайнар-бұлақ саяжайында орналасқан аз қамтылған, көпбалалы отбасыларға азық-түлік үлестірді.
Ұлы Абайдың «Біріңді қазақ бірің дос, көрмесең істің бәрі бос» деген сөзін ұран еткен азамат, басына күн туған әр қазаққа «Әр қазақ менің жалғызым» деп қол ұшын беруге дайын. Шымкент қаласының әкімі Ерлан Айтаханов «Қайырымды қала — Шымкент» деп бекер атамады. Қалада қайырымды жандар көп болғандықтан, тұрғындары ашық-жарқын, жайдары болғандықтан «Қайырымды қала тұрғындары» деген керемет атаққа ие болды.
Әлемде қайырымды жандар көбейсе, қайырымсыз орта жоғалады. Ал, оны «қайырымды қаланың тұрғындары» ғана өзгерте алады!
