Шымкент қалалық білім басқармасына қарасты, Әл- Фараби ауданы №129 жалпы орта білім беретін мектебінде салауатты өмір салтын сақтау және отбасылық тәрбие бағыты бойынша, «Спорт күніне» орай 2020 жыл 25 желтоқсан күні 5- сынып ата-аналары арасында «Биікке самға» атты эстафеталық сайыс өткізілді.
Командалар 4 кезең бойынша сайысқа түсті яғни, арқан тарту, биіктікке секіру, картоп жинау, бағаналардың арасымен жүгіріп өту. Әр сайысқа ойыншылар ынта-жігерімен қатысып, шеберлікпен тапсырмаларды орындады. Сайыс өте қызықты, тартысты өтті. Жалпы мұндай іс-шараның өтілуі мектебімізде жыл сайын дәстүрге айналды. Ондағы мақсатымыз — ата-аналармен мектеп арасындағы байланысты нығайту және шыныққан, білімді, жігерлі, салауатты өмір салтын ұстанатын ұрпақ тәрбиелеу.
Сайыстың қорытындысы бойынша бас жүлдені « EAGLES» тобы -5 «Ә»сынып, 1- орынды «Достық» тобы- 5 «Д» сынып, 2- орынды «Бүркіт» тобы – 5 «В» сынып, 3 – орын «Жалын» — 5 «А» сынып ата-аналарына бұйырды. Қалған командаларды белсене қатысқаны үшін мақтау қағаздарымен марапаттады. Ал бас жүлдені иеленген команда финалға жолдама алды. Сайысқа белсене қатысқан ата-аналарға мектеп әкімшілігі атынан алғысымызды білдіреміз.
