Шымкент қалалық білім басқармасына қарасты, Әл-Фараби ауданы №129 жалпы орта білім беретін мектебінде 13-17.01.2020ж. күндері аралығында «Әлем нақты ғылымдар тілінде» тақырыбында математика бірлестігінің апталығы өтті.
Апталықтың мақсаты: оқушылардың нақты ғылымдарға деген қызығушылығын, оқып-үйренудегі белсенділігін, танымдық қабілетін дамыту, тапқырлыққа тәрбиелеу. Апталықтың жоспары бойынша «Әлем нақты ғылымдар тілінде» математика туралы қабырға газеттері ілінді. Апталықтың ашылуына орай оқушылар арасында «Ойлы болсаң озып көр» тақырыбында сайыс өткізілді.
«Рационал теңдеулерді шешу», «Бұрыш пен доғаның градустық және радиандық өлшемдері», «Бірлесіп орындалатын жұмыстарға қатысты есептер», «Көпмүшені көпмүшеге бұрыштап бөлу» тақырыбында ашық сабақтар өтілді.
Апталыққа белсене қатысқан оқушыларға әр түрлі сыйлықтар және мадақтама қағаздары берілді.
